mysticisms,editorial,punchliners(BULGAR, BANDERA, TIKTIK, SAKSI, BOMBA, TUMBOK, 13AUG05)

Bandera—13aug05

ATTENTION: BANDERA c/o LITO BAUTISTA
From: David Smith, Galaw ng Numero

Dear David,
ISA akong tindera sa palengke pero suwelduhan lang ako ng amo ko. Gusto ko nang umalis ditto kasi’y masungit sila at maliit lang ang kinikita ko. Pangarap kong magkaroon na lamang ng maliit na sari-sari store sa tapat ng aming buhay. Bigyan mo ako ng gabay sa pag-unlad. Bigyan mo sana ako ng mahihiwagang numero na bumabalot sa aking buhay. Ipinanganak ako noong Disyembre 17, 1970. May isa akong anak sa pagkadalaga at siya ang binubuhay ko. Ano ba ang masusuwerte kong taon, buwan at petsa? Ang buwenas ba ang buwernas kong kulay at numero na puwedeng tayaan sa jai alai at lotto.

MARISSA NG ILIGAN CITY

Dear Marissa,
NUMBER eight (8) at one (1) ang mahihiwagang numero na bumabalot sa iyong buhay. Buntala ng Saturn at Sun ang kumukubabaw sa iyo., Buwenas ka sa kulay itim at dilaw. Maraming pangarap mo ang matutupad pero sa totoo lang, mistulang magdaraan ka sa butas ng karayom pero sa pagsapit ng edad 44-anyos pataas, unti-unting masisilayan ang katuparan ng iyong mga malaimposibleng ambisyon kung saan nabigo ka sa panahon ng iyong kamusmusan. Disiplina, malinaw na mithiin at konsentrasyon ang susi sa iyong pag-unlad. Gayunman, makakatanggap ka ng mga hindi pangkaraniwang buwenas kaya’t magtataka ka kung paano ka nakakalusot sa mabibigat na suliranin ng buhay. Walang duda na makakapagpundar ka ng sari-sari store pero ito ay matutupad sa pagsapit ng mapalad mong taong 2006 at 2008 kung saan marami ring pangarap mo ang maabot mo kabilang ang paglagay muli sa tahimik. Buwenas ka sa mga buwan ng Marso, Hunyo at Nobyembre lalo na sa mga petsang 5, 9, 11, 19, 23, 26 at 30 partikular kapag natapat sa araw ng Martes at Lunes. Sa jai alai, isama mo sa No.8 at No. 1 ang No. 7. Sa lotto, pumulot ka sa mga sumusunod: 3-7-11-19-23-25-34-37-40-42. ASSET TIPS: 4-2-8/ 7-2-4/ 3-2-6/. 6-7-2. Wiretips: 3-2-7/ 8-9-3/ 4-1-6. Double digit; 6-9/ 2-4/ 1-6. Luzon guide: 2-7-11-19-23-26-34-40-42. VisMin: 2-6-11-19-23-26-34-37-40-42. MegaLotto: 3-16-23-27-34-37-40-43. Four Number: 5-6-3-1/ 7-8-2-1/ 8-9-2-1. Coded tips: tilapia- bangus- galunggong/ bibingka- kutsinta- puto/ k-a-t.---30--




Bistado—13aug05

Head:

NAPUWERSA ang German embassy na bigyan na rin ng VISA ang 43 delegado sa World Youth Day.
Okey pa rin ang negosyo sa TNT.

---$$--
KINUMPIRMA ng isang American expert na peke ang ikinakalat na Hello Garci CDs.
He, he, he, nagulo na naman ang hanay.

---$$--
HINDI na mapipigil ang paglobo ng oil prices sa world market.
Nagpa-PANIC na ang buong daigdig.
---$$$--
NAGDEMAND ang bribery case ang dalawang Comelec officials laban sa isang ex-general.
Panibagong GENERAL PROBLEM.

---$$--
NANANALASA ang bagyong si HUANING sa Ilocos region.
Huh, dine sa Kongreso mas malakas ang BAGYO at HANGIN ng mga kongresista at senador.

---$$--
HINAHANTING ang 10 Indonesians na suspected suicide bombers.
He, he, he, hindi kaya sila ay nariyan lang sa BANGKETA at nagbebenta ng pekeng VCDs?

---$$--
SISIBAKIN ng ABS-CBN ang 210 empleado.
Dagdag sila sa ONE-MILLIONB-JOBLESS PROGRAM.

----$$--
PINAG-AAGAWAN ng pribagong sector ang sosyo ng gobyerno sa Philippine National Bank (PNB) na bahagi ng privatization.
Kumbaga, IBINEBENTA na nina Nanay at Tatay ang ari-arian sa sobrang pagdarahop.

----$$--
IBINASURA ng Korte Suprema ang hirit ng Meralco na magdagdag ng SINGIL sa konsumo sa elektisidad.
Beh, buti nga!

---$$--
PERO may isa pang ALAS ang Meralco.
Ito ay pag NAUPO na si Vice Kabayan sa Malacanang.

---30---


EDITORIAL

Head:

INATASAN ng Korte Suprema ang Malacanang, Department of Finance (DoF) at Bureau of Internal Revenue (BIR) na magpaliwanag hinggil sa implementasyon ng Expanded Value Added (EVAT) na diniskaril ng hukuman matapos ipetisyon ng mga konsiyumer at negosyante.
Dapat ay madaliin ng Korte Suprema ang paglalabas ng desisyon hinggil sa EVAT upang makalmante na ang mga negosyante at mamamayan.
Sakaling tuluyang ibasura ng korte ang EVAT, isang tagumpay ito ng ordinaryong mamamayan na mapoproteksiyunan laban sa mapang-abuso pagkolekta ng buwis.
Pero, isang malaking dagok ito sa matataas na opisyal ng gobyerno dahil kakapusin sila ng koleksiyon na maaring magpalobo ng budget deficit sa taong ito.
Mapupurnada rin ang pagtatangka ng gobyerno na madagdagan pa ang utang na tinatayang papalo sa P4 trilyon sa susunod na taon.
Habang pinagtatagal ng Korte Suprema ang desisyon hinggil sa EVAT ay pinahahaba rin nito ang kaguluhan sa gitna ng lansangan lalo pa’t nakaamba ang hindi mapigil na paglobo ng presyo ng petrolyo sa world market.
Anu’t anuman, negatibo o positibo man—dapat na magpasya nang totohanan ang Korte Suprema.
Ang mahalaga ay matuto tayong magdesisyon nang mabilis at tumpak.--30--





Pilosopong pacio—13aug05

Head:SALSAL

BINUSALSAL lang daw ang Hello Garci kaya’t nasabit si Ate Glo.
Nabastos na ang isyu.
Sa media, ang tawag ditto ay SINALSAL!

---$$--
NAKA-MEET kahapon ng mga fans natin sa Hong Kong na si Connie si Vic Sotto.
He, he, he, sino kaya ang kanyang KA-DATE?

---$$--
SISIBAKIN na pala si Executive Sec. Eduardo Ermita.
Mainam naman!

---$$--
SISIPAIN na rin si DOJ Sec. Raul Gonzales.
Mas mainam.

---$$--
MAS okey patatalsikin na rin si Presidential Spokesman Ignacio Bunye.
Siya kasi ang TATLONG ITLOG sa Malacanang.

---$$-
KAKASUHAN ng graft and corruption si ex-AFP Chief Lisandro Abadia.
Eh, bakit siya lang?
Paano yung iba pang EX-AFP CHIEF?
Pasensiya na kayo, si Abadia lang kasi ang anti-GMA.

---$$--
KINUKUMBINSE ni FG Mike si ex- Gov. Dy na huwag nang tumestigo kontra kay GMA.
Huhh, pagkakataon na niyang maging “GOV. CHAVIT”.

---$$--
IBINASURA ng Korte Suprema ang plano ng Meralco na magdagdag ng singil.
He, he, he, hintayin na lang ninyo ang pag-upo sa Malacanang ni Vice Noli.
---30---





Tiktik—14aug05, advance for: aug 14 issue

ATTENTION: TIKTIK c/o JUDAY

Head:Dugo sa ulan

Dear Don Honesto,
NAPANAGINIPAN ko po na ako ay naliligo sa ulan. Nakatapat ako sa alulod ng aming bahay. Kasama kong naliligo ang mga nakababata kong kapatid. Pero, laking gulat naming na maging kulay pula o mistulang dugo ang tumutulo mula sa itaas kaya’t nagtakbuhan kami sa loob ng bahay at takot na takot. Ano kaya ang ibig sabihin nito? Isa akong waitress at nakikipag-date ako sa mayayamang kustomer. Ipinanganak ako noong Mayo 24, 1983. Bigyan mo ako ng masusuwerteng numero lalo na sa pagtaya sa jai alai at lotto.

ELIZABETH NG TONDO, MAYNILA

Dear Elizabeth,
KUNG naligo ka sa ulan, kinukumpirma nito ang pakikipag-ulayaw mo sa maraming kapareha. Naging dugo ang tubig ulan, na nagsasabi na dapat na maging maingat ka sa pakikipagrelasyon dahil maaring mahawa ka ng mapanganib na sakit na sa bandang huli ay maaaring mapahamak ka. Kung kasama mo ang mga kapatid mo, nagsasabi ito na ikaw ay likas na mabait at matulungin sa kapwa., Madaling mabagbag ang iyong kalooban. Ang bahay ay repleksiyon ng iyong pagkatao, kung simple lang ito, maliwanag na simpleng buhay lang ang pangarap mo. Katapat ng ulan ay No. 11; No. 27 ang dugo; No. 20 ang paligo; No., 33 ang kapatid; No. 17 ang takot; No. 40 ang bahay; No. 10 ang alulod; No. 32 ang pagtakbo. Tipikal sa tulad mong isinilang sa petsang 24 ay maging emosyonal at magkaroon ng maraming karelasyon. Pinakabuwenas mo ang No. 6 at No. 1. Sa jai alai, isama mo ang No. 5. Sa lotto, pumulot ka sa itaas at ihalo ang ilan sa mga sumusunod: 4-8-11-19-23-26-30-38-40-42.


02. PALMISTRY

head:Makakatapos sa kolehiyo

Dear Sir Dennis,
NAGPA-ZEROX na rin ako ng guhit ng palad. Nais ko kasing itanong kung magkakaroon ako ng tsansa na makatapos ng pag-aaral. Madalas akong matigil kasi’y namamasukan ako at nag-iipon bago ako makapag-enroll sa kolehiyo. Mahirap lang ang buhay naming at nakatira lang sa squatter area. Makapagpundar kaya ako ng sarili kong bahay at lupa? Panganay ako sa apat na magkakapatid at wala na kaming ama. Makapag-aasawa ba ako ng isang maykaya sa buhay o may matatag na trabaho? Ipinanganak ako noong Hunyo 12, 1978.

FELOMENA NG TAGUIG, METROMANILA

Dear Felomena,
ITULOY mo lamang ang page-enroll tuwing may pera ka at maghanap ka ng trabaho na makakatulong sa iyo sa iyong mga pangarap. Walang duda na makakatapos ka ng pag-aaral sa kolehiyo. May nag-parallel kasing guhit sa paitaas sa bandang ilalim ng palasingsingan (tingnan ang bilog sa bandang ilalim ng ring finger). Nagsasabi ito na makakaangat ka sa larangan na napili mo. Marami kang pagsisikap, pagtitiyaga sa buhay kaya’t walang duda na makakaahon ka rin sa hirap (tingnan ang bilog sa gitna). Nagsasabi ito na kailangan mong magpatulo ng pawis upang matupad ang iyong mga pangarap. Makapag-aasawa ka naman nang maayos at magkakaasawa ka nang mabait at may matatag na trabaho. Isang masaya at masaganang pamilya ang mabubuo mo. Malinaw kasi ang nagsosolong guhit sa tagiliran ng palad (tingnan ang bilog sa bandang ilalim ng hinliliit). Makakapagpundar ka rin ng sarili mong bahay at lupa dahil may guhit na pumaitaas sa bandang ilalim ng hinlalato (tingnan ang bilog sa bandang ilalim ng middle finger).---30--


Tumbok—13aug05

ATTENTION: TUMBOK C/O RONI
From; Oliver Ty Ang, Mahihiwagang kulay at numero

Dear Oliver,
SUKI ako ng kolum mo at nais kong magkaroon ng mahihiwagang kulay na magagamit kong bertud sa paghatak ng magandang kapalaran. Ipinanganak ako noong Nobyembre 6, 1970. Hunyo 3, 1975. ang birthday ng misis ko. Balak naming magpa-renovate ng bahay bago mag-Disyembre, ano ba ang buwenas na kulay para sa dingding, kisame at silid? Bigyan mo ako ng gabay sa pag-unlad. Isa akong drayber ng bus at may apat na anak. Ano ba ang buwenas kong numero lalo na yung puwedeng tayaan sa jai alai at lotto.

LEANDRO NG GENERAL SANTOS CITY

Dear Leandro,
MAROON at green ang mahihiwagang kulay na magagamit mong bertud sa paghatak ng magandang kapalaran. Ang maroon ay kulay ng namumuong dugo pero sumisimbolo ito sa pagiging martir at bayani. Ibig sabihin ay may kakayahan kang isakripisyo ang sarili para sa kapakanan ng kapwa at mga mahal mo sa buhay. Ambisyoso ka at madalas na akalain mong magagawa mong maipatupad ang anumang pumasok na ideya sa iyong isip kaya’t madalas ding matagpuan ang sarili mo na isang bigo. Ang berde ay nagsasabi na maraming tao ang magkukusa na tulungan ka kaya’t dapat na manatili kang mabait at matulungin sa kapwa. Taglay ng misis mo ang mahiwagang kulay asul at dilaw. Nagsasabi ito na masarap magmahal ang misis mo pero kapos din siya ng praktikalidad. May sobra-sobra siyang enerhiya na magagamit sa pagnenegosyo. Gumamit ng asul sa sala; gray sa bedroom at green sa kisame—iyan ang magbibigay sa iyo ng buwenas. May naghihintay sa iyo na magandang kapalaran sa taong ito, 2005 pero uulit sa 2007 at 2008 kung saan matutupad ang marami mong pangarap kabilang ang pagkakaroon ng matatag na hanapbuhay. Buwenas ka sa mga buwan ng Mayo, Setyembre at Disyembre lalo na sa mga petsang 5, 9, 11, 18, 23, 26 at 30 partikular kapag natapat sa araw ng Martes at Sabado. Numero sais (6) at dos (2) ang buwenas mo. Sa jai alai, isama mo ang No.8. Sa lotto, pumulot ka sa mga sumusunod: 2-7-11-19-23-28-34-38-40-42. PARA sa masusuwerteng numero: Magic 12; 4-7-11-19-22-23-26-30-34-38-40-42. Triple Number: 4-3-7/ 1-7-4/ 7-8-2/ 6-digit: 3-4-3-6-7-2/ 7-8-2-4-3-1-1/ 7-8-3-4-3-2. Bingo Mystery Eight: 4-14-33-45-57-66-70-74. Mapalad ang sais (6) kapag nakamarka sa itim at nasa unahan ang otso (8). Okey ang kuwatro (4) kapag nakasulat sa blue at nasa hulihan ang dos (2). Mainam ang tres (3) kapag napagitna sa nuwebe (9) at uno (1).
---30--