mystics blue n gray (TUMBOK,15AUG05)

For: aug 15 issue


Dear Oliver,
MADALAS akong magbasa ng kolum mo at nais kong magkaroon ng mahihiwagang kulay na magagamit kong bertud sa paghatak ng magandang kapalaran at pagbabago sa takbo ng aking buhay. Ipinanganak ako noong Marso 12, 1970. Isa akong barangay tanod pero maliit lang ang suweldo ko mula sa barangay. Lagi kaming nag-aaway ng misis ko kasi’y maliit lang ang delihensiya ko ngayon. Bigyan mo ako ng gabay sa pagtatagumpay. Ano ba ang masusuwerte kong taon, buwan at petsa? Bigyan mo rin ako ng buwenas na kulay at numero na puwedeng tayaan sa jai alai at lotto.

JONATHAN NG CAGAYAN DE ORO CITY

Dear Jonathan,
ASUL at abuhin (gray) ang mahihiwagang kulay na magagamit mong bertud sa paghatak ng magandang kapalaran at pagbabago sa takbo ng aking buhay. Kapayapaan at kapanatagan ang ipinahihiwatig ng kulay asul na maihahalintulad sa bughaw na kalawakan at karagatan sa panahon ng tag-araw. Kailangan mong makalmante palagi upang makapagdesisyon ka nang maayos, tumpak at epektibo na siyang magsisilbing pundasyon mo sa pagtatagumpay at pag-unlad. Marami kang natatagong talento at ideya na dapat mong maipatupad particular sa pagnenegosyo kasi’y taglay mo rin ang mahiwagang kulay gray. Ito ay kakulay ng abo at alikabok na tinatangay-tangay ng hangin pero malayo ang naabot nang walang kahirap-hirap.Magpatangay ka lamang sa normal na agos ng buhay at sumabit o magsilbing alalay ng mga mayayaman at popular—at walang duda na makakaahon ka sa hirap. May naghihintay sa iyo na magandang kapalaran sa taong 2007, 2010 at 2012 kung saan matutupad ang marami mong pangarap kabilang ang pagkakaroon ng matatag na hanapbuhay. Buwenas ka sa mga buwan ng Marso, Agosto at Nobyembre lalo na sa mga petsang 4, 9, 12, 18, 23, 27 at 30 partikular kapag natapat sa araw ng Miyerkoles at Sabado. Numero tres (3) at singko (5) ang buwenas mo. Sa jai alai, isama mo ang No. 1. Sa lotto, pumulot ka sa mga sumusunod: 4-8-16-23-27-34-37-40-42. PARA sa masusuwerteng numero: Magic 12: 1-3-14-16-23-24-27-34-35-37-40-42. Triple Number: 5-7-2/ 1-3-8/ 4-3-7. 6-digit: 3-1-7/ 8-9-1/ 3-2-5. Bingo Mystery Eight: 3-12-34-46-55-67-70-74. Mapalad ang tres (3) kapag nakamarka sa dilaw at nasa unahan ang siete (7). Okey ang sais (6) kapag nakasulat sa violet at nasa hulihan ang uno (1). Mainam ang otso (8) kapag napagitna sa nuwebe (9) at kuwatro (4).
---30--