mystics 3, 5 (BANDERA,,21aug05)

Dear David,
BIGYAN mo rin sana ako ng mahihiwagang numero na bumabalot sa aking buhay. Ipinanganak ako noong Enero 21, 1972 Isa akong timekeeper sa isang construction site pero maliit lang ang suweldo ko. Self supporting student ako dahil walang trabaho ang mga magulang ko. Bigyan mo ako ng gabay sa pag-unlad. Ano ba ang masusuwerte kong taon, buwan at petsa? Bigyan mo rin ako ng buwenas na kulay at numero na puwedeng tayaan sa jai alai at lotto.

ENRICO NG KORONADAL CITY

Dear Enrico,
NUMBER three (3) at five (5) ang mahihiwagang numero na bumabalot sa iyong buhay. Buntala ng Jupiter at Mercury ang kumukubabaw sa iyo. Kulay blue at gray ang buwenas mo. Martir at may dugo kang bayani, masarap magmahal at sobrang emosyonal ang mararanasan mo dahil sa impluwensiya ng No.3. Pero, may matibay kang paninindigan at kung ano ang iyong paniniwala kahit mali sa pananaw ng iba, ay tiyak na ipakikipaglaban mo hanggang sa hukay! May kakayahan kang magsakripisyo ng sarili mo kung nakataya ang kaligayahan ng iyong mga minamahal. Masuwerte ka sa negosyo na may kaugnayan sa serbisyo-publiko dahil sa iyong likas na pagiging matulungin sa kapwa. Epektib sa iyo ang rentals, repair shop at restaurant. Makakatapos ka ng pag-aaral kahit pa dumanas ka ng ibayong pagsubok—dahil nasa pagtitiis at pagtitiyaga mismo ang iyong kaligayahan. Mas gusto mo ang nasusubok ang iyong husay at pagkatao. May naghihintay sa iyo na magandang kapalaran sa taong 2007, 2010 at 2012 kung saan matutupad ang marami mong pangarap kabilang ang pagkakaroon ng matatag na mapagkakakitaan. Buwenas ka sa mga buwan ng Mayo, Hunyo at Disyembre lalo na sa mga petsang 2, 8, 12, 17, 23, 26 at 30 partikular kapag natapat sa araw ng Martes at Linggo. Sa jai alai, isama mo sa No. 3 at No. 5 ang No. 1. Sa lotto, pumulot ka sa mga sumusunod: 3-7-11-19-23-28-34-38-40-42. ASSET TIPS: 3-7-1/ 2-6-8/ 3-2-6. Wiretips: 3-7-8/ 8-9-2/ 1-2-4. Double digit: 5-8/ 1-4/ 7-7/ 9-2. Luzon guide: 3-7-11-19-22-29-33-39-40-42. VisMin: 3-7-11-19-23-28-34-38-40-42. MegaLotto: 3-6-11-19-23-24-26-34-37-40-42. Four Number: 3-2-6-2/ 6-8-2-3/ 7-8-1-1/ 4-2-1-2. Coded tips: kangkong- sitaw- bataw/ manok- bibe- daga/ n-a-r.
---30--