gray sa tindahan (TUMBOK,21AUG05)

For: aug 21 issue

Dear Oliver,
NAIS ko ring magkaroon ng mahihiwagang kulay na magagamit kong bertud sa paghatak ng magandang kapalaran at pagbabago sa takbo ng aking buhay. Isa akong ordinaryong empleada lamang sa isang pribadong kompanya. May limang taon na ako sa trabaho ko, pero minimum pa rin ang suweldo ko. Napakakuripot ng amo ko. Balak kong magtayo kahit maliit na sari-sari store sa tapat ng bahay naming na pababantayan ko sa nanay ko.Magklik kaya ito? Ano ba ang buwenas na kulay para sa tindahan. Ipinanganak ako noong Mayo 5, 1970. Ano ba ang masusuwerte kong taon, buwan at petsa? Bigyan mo ako ng buwenas na numero lalo na sa pagtaya sa jai alai at lotto.

CRISANTO NG TACLOBAN CITY

Dear Crisanto,
GRAY at red ang mahihiwagang kulay na magagamit mong bertud sa paghatak ng magandang kapalaran at pagbabago sa takbo ng iyong buhay. Kakulay ng abo at alikabok ang gray na na nagsasabi na simpleng magpatangay ka lamang sa agos ng buhay ay malayo na ang iyong mararating. Umiwas kang kumontra o makipag-away sa ibang tao bagkus ay magpakumbaba o magsepsep sa nakatataas—at presto, aasenso ka sa pinakamataas na puwesto. Nakakahiya ito sa ibang tao, pero sa praktikal,marami ang gumagawa nito.Mas mainam na yan kaysa pagtawanan ka ng mga tao kapag nagugutom ang iyong pamilya.Kung mahilig kang magtinda, pinturahan mo ng gray ang dingding ng tindahan at pink sa kisame—iyan ang magpapalakas sa iyong negosyo . May naghihintay sa iyo na magandang kapalaran sa taong 2007, 2010 at 2012 kung saan matutupad ang marami mong pangarap kabilang ang pagkakaroon ng matatag na hanapbuhay. Buwenas ka sa mga buwan ng Mayo, Agosto at Nobyembre lalo na sa mga petsang 3, 8, 12, 18, 23, 26 at 30 partikular kapag natapat sa araw ng Martes at Huwebes. Numero singko (5) at nuwebe (9) ang buwenas mo. Sa jai alai, isama mo ang No.1. Sa lotto, pumulot ka sa mga sumusunod: 3-7-11-18-23-27-34-37-40-42. PARA sa masusuwerteng numero: Magic 12: 2-11-18-20-23-27-29-30-34-37-40-42. Triple Number: 3-2-6/ 7-8-2/2- 8-1/ 7-2-4. 6-digit: 4-3-4-3-1-1/ 7-8-1-1-1-1/ 6-1-7-2-1-1. Bingo Mystery Eight: 3-15-33-45-57-66-70-74. Mapalad ang sais (6) kapag nakasulat sa gray at nasa unahan ang nuwebe (9). Okey ang tres (3) kapag nakamarka sa itim at nasa hulihan ang uno (1). Mainam ang kuwatro (4) kapag napagitna sa otso (8) at dos (2).
---30--