noli vs loren (BULGAR, 21aug05)

Bistado—21aug05

Head:


ISANG panibagong kabulastugan ang ginawa ng CIDG at ISAFP sa pagsalakay sa bahay ni handwriting expert Segundo Tabayoyong sa San Mateo, Rizal.
Malinaw na pag-amin ito na GUILTY ang administrasyon sa pandaraya.
----$$--
KAHIT walang search warrant at kinumpiska ang election returns na gagamiting ebidensiya ni ex-Sen. Loren Legarda sa election protest kontra kay Vice Kabayan.
Illegal ito at postura na tila may MARTIAL LAW.
----$$--
DAPAT nang madaliin ng Presidential Electoral Tribunal ang pag-aksiyon sa protesta ni Legarda laban kay De Castro upang matapos na ang isyung ito.
Kapag nag-usad-pagong ang PROTESTA, illegal na kukumpiskahin ng administrasyon ang ebidensiya ng oposisyon.
Isang malaking KAHANGALAN ito.
-----$$--
SINISIRA ng mismong NBI ang kredibilidad ni Tabayoyong gayong naglingkod ito bilang hepe ng QUESTIONED DOCUMENTS DIVISION sa loob ng apat na dekada.
Mas nasisira dito ay ang mismong REPUTASYON ng NBI na nagpapatuta sa administrasyon.
Pweeeee!
-----$$--

NAKIKIPAG-AREGLO na si Ate Glo kay Pareng Erap.
Iyan ang pinaka—KOREK.
---$$---
NAKIKIPAGKASUNDO rin ang Malacanang sa Pamilya Marcos upang mailibing sa Libingan ng mga Bayani ang labi ni Apo Makoy.
Isa pang KOREK.
----$$--
IPATUTUPAD nang pikit-mata ang EVAT.
Iyan naman ang napaka-MALI.
-----$$--
PINATAKAS ng gobyerno si Garci.
Isa pang WRONG move.
----$$--
BABAWASAN daw ang oras ng serbisyo ng mga gasoline station para daw makatipid sa enerhiya.
Iyan naman ang desisyon na napaka-TANGA.
Eh, di pinahirapan ang mga motorista sa mahabang pila?
Engot pa rin sila.
----$$--
IDEDEKLARA din ang State of Emergency.
Panibagong KATANGAHAN.
-----$$--
MARAMING humuhula na MABABASURA lamang ang Impeachment Complaint.
Dumami na ang kakumpitensiya ni Maestro Honorio Ong.
---30—
editorial
head:
NAKAGAWA naman ng kabulastugan ang kampo ni Ate Glo.
Hamakin mong ipa-RAID ang bahay ni NBI handwriting expert Segundo Tabayoyong kung saan kinumpiska ang mga election returns na magpapatunay na dinaya ang 2004 election.
Masyadong garapal ang ginawa ng CIDG at mismo ng ISAFP sa naturang pagsalakay dahil wala namang itong search warrant at isinagawa bandang 3:00 ng madaling araw tulad ng ginawa nila pagpoproklama ng Kongreso nang magwagi umano sa eleksiyon si Ate Glo.
Isang klase na ito ng pagtatangka na nakawin ang mga ebidensiya kaugnay ng protesta ni ex-Sen. Loren Legarda kontra kay Vice President Noli de Castro.
Dahil dito, dapat ay iutos na ng Korte Suprema ang paglilipat ng mga ballot boxes at election returns mula sa Kongreso tungo sa pangangalaga ng Presidential Electoral Tribunal upang matiyak na magiging patas ang deliberasyon at hatol ng mga kinauukulan.
Dapat ding resolbahin agad sa lalong madaling panahon ang naturang electoral protest upang malinawan kung sino ang tunay na nagwagi bilang vice president sa nagdaang eleksiyon.
Naiimposiblehan kasi ang kampo ni Legarda na lumamang ng 800,000 boto si Kabayan kay Loren gayong nakulelat dito si Noli nang kumandidato itong senador.
Hindi din dapat tangkain ng National Bureau of Investigation (NBI) na sirain ang kredibilidad ni Tabayoyong dahil naglingkod itong hepe ng Questioned Documents Division nang apat na dekada.
Sana’y maresolba na ang election protest upang makalmante na ang lahat partikular ang nagpapanik na kampo ni Kabayan.
--------30--