kukunin ni lord. paskong tuyo (SAKSI, BOMBA,20AUG05)

Pilosopong pacio—20aug05


Head:Baka kunin ni Lord

PALALAYAIN si Pareng Erap para makadalo sa El Shaddai Prayer Rally.
Delikado yan.
Baka KUNIN AGAD SIYA NI LORD.

----$$--
NILASON daw si FPJ.
O, nilalason ng naturang isyu ang KATINUAN ng mga Pinoy?

----$$--
KINASTIGO ng DOJ ang Bureau of Immigration sa pagkakatakas ni Garci.
Huhhh, bola lang yannnn!

----$$--
PINULONG ni PGMA ang mga gabinete upang sugpuin ang ENERGY CRISIS.
May naniniwala naman kaya?

----$$$--
NAGSISILAYAS na ang mga foreign investors.
Yipeee, masosolo na ng Pinoy ang LIKAS NA YAMAN ng Inang Bayan.

-----$$--
TATAAS ang presyo ng LPG.
Tatataas din ang mga pagkain sa restaurant.
Balik TURO-TURO tayo.

----$$$---
AYON kay Speaker JDV, hindi kailangan ang SENADO sa CHACHA.
Mukhang nagu-ULIANIN na si Kuneho.

---30--

editorial

head:Paskong Tuyo

INAASAHANG magtataas ang presyo ng mga bilihin at singil sa serbisyo tulad sa tubig, kuryente at pasahe dahil sa hindi maaawat na paglobo ng presyo ng langis sa world market.
Tiyak na ipinagpipilitan ng mga driver sa pampasaherong sasakyan ang dagdag na singil sa kanilang serbisyo dahil kakapusin sila sa pangangailangan sa araw-araw.
Kapag hindi sila pinagbigyan, mararanasan natin ang araw-araw na welgang bayan.
Mapupuwersa na ring magwelga ang mga obrero na hindi rin magkakasya ang kakarampot na suweldo.
Paano kaya mareresolba ni PGMA ang ganitong problema sa mga susunod na araw.
Iisa ang malinaw sa ngayon: Makakaranas tayo ng Paskong Tuyo!
------30--