payapa: susi sa problema

(SAKSI/BOMBA,07AUG05)

editorial

Kapayapaan

KAPAYAPAAN ang susi sa lahat ng klase ng pag-unlad hindi lamang sa ating bansa kundi maging sa buong daigdig.
Sa personal na buhay, kapayapaan at kapanatagan ng puso, isip at kaluluwa ang tunay na kaligayahan.
Mula sa payapa puso at isip nagmumula ang epektibong desisyon na nagsisilbing pundasyon ng kaunlaran at tumpak na pagkilos.
Kapag magulo ang gobyerno at lipunan, magpapa-panic ang mga lider at mamamayan na siyang karaniwang dumidiskaril sa pag-unlad.
Karaniwang madugo ang kinauuwian ng mga desisyong nagmula sa magulong isip at magulong gobyerno.
Sikapin sana ng mga pambansang lider na makalmante sa gitna ng mga problema at hikayatin ang mga kritiko na maging payapa sa pagtangkang baguhin ang lipunan.
---30--