export quality ni pilosopong pacio

(SAKSI, BOMBA 07Aug05)

Pilosopong pacio

Export


MARAMING papuri na tinanggap ang yumaong si ex-Sen. Raul Roco.
Kasi’y PATAY na siya.

----$$--
BAKIT kaya kung kailan dedbol na ang isang tao ay saka siya PINAPUPURIHAN?
Ipokrito kasi ang kanyang ang NAIIWANAN.

----$$--
KAILAN kaya mababago ang tradisyong ito tuwing may mamamatay.
Hindi kaya puwedeng pag namatay ang TAO—ay puro NEGATIBO ang isisigaw imbes na kabutihan?
Hindi puwede ang ganyan.
Bakit?
Kasi’y BAKA siya biglang mabuhay!

---$$--
MAGKAKASALUNGAT ang ulat na lumalabas kaugnay ng pagiging testigo ni ex-Gov. Dy.
Ayaw kasi niyang MAGSALITA.
Ayun, lalo siya napapahamak.

----$$--
KAPAG hindi magsasalita si ex-Gov. Dy, hindi sila nagkakalayo ni Roco.
Pareho silang hindi MAKAPAGBIGAY NG REAKSIYON.

---$$--
TULOY ang biyahe ni PGMA tungong New York, USA kahit nakasalang ang IMPEACHMENT DEBATE.
Baka magka-canvass na siya ng BAHAY na malilipatan.

-----$$--
ISANG cottage o home industry sa Mindanao ang PANDARAYA SA ELEKSIYON.
Kung gayon, puwede natin itong i-EXPORT sa America.
Kay laking kuwarta nyannn.

----30---.